“Наран” сургуулийн сурагч азийн шатрын аваргаар тодорлоо

Ерөнхий боловсролын “НАРАН” сургуулийн сурагч спортын мастер Н.Батболд маань Азийн шатрын холбооноос өнгөрсөн долоодугаар сарын 23-31-нд www.tornelo.com цахим платформ дээр зохион байгуулсан Ази тивийн сургуулиудын аварга шалгаруулах онлайн шатрын тэмцээнд амжилттай оролцож “АЛТАН” медалийн болзол хангасан талаар Монголын шатрын холбооноос мэдээллээ.

Тус тэмцээнд Ази тивийн 24 улсын 890 тамирчин өрсөлдсөн бөгөөд тэмцээний шагнал гардуулах онлайн арга хэмжээ 8-р сарын 7-нд Улаанбаатарын цагаар 19:30 цагт явагдах юм байна.

Авьяаслаг сурагчдаа цаашдынх нь сурлага хөдөлмөрт нь өндрөөс өндөр амжилтыг сургуулийн захиргаа、нийт багш, хамт олноос нь хүсье.